You are currently viewing أمير كرارة ينهي أزمته مع مها أحمد بهذه الكلمات

أمير كرارة ينهي أزمته مع مها أحمد بهذه الكلمات

مي شاهين

علق الفنان أمير كرارة على بوست الفنان أحمد التهامي على موقع التواصل الاجتماعي الشهير “فيس بوك”، الذي تحدث فيه على الأزمة التي حدثت بين أمير كرارة ومها أحمد.

وعلق أمير قائلا :”مها أختي ومجدي أخويا وأنا والله ولا زعلان ولا أي حاجة عشان فعلا الموقف دا محصلش.. وبردو مش زعلان منها دي حبيبتي ومجدي حبيبي وأخونا”.

يذكر أن الفنانة مها أحمد، قامت بنشر بوست على حسابها بموقع التواصل الاجتماعي الشهير”فيس بوك”، وروت فيه قصة حذلانها علي يد الفنان أمير كرارة، بعدما طلبت منه أن تشاركه في دور في أحد أعماله.

وظهرت مها في بث مباشر لها تروي تفاصيل لقائها به قائلة :” قابلت زميل تاني، كنت بشتغل في شركة وكنت بعمل برنامج وهو كمان كان بيعمل برنامج قبل ما يتشهر،ويشوفني يقولي يا أستاذة ونوع من الرقي، وقولت يابت مافيش مشكلة في نوع من العشم،دخلت وقولتله مبروك إيه بقى مش هنشتغل مع بعض، راح باصصلي كده وقايلي الدور بينادي صاحبه طبعًا أنا استغربت للرد،كان ممكن يقولي ربنا يسهل أو حاجة”.

تابعت قائلة :” بناءً على اللي حصل جالي اكتئاب وعيطت كتير جدًا، أنا تعبت وأخدت أدوية ومازلت باخد الأدوية لحد دلوقت،شئ طبيعي لما ألاقي فيها حاجة بها رد اعتبار ليا، هتكلم وأكتب على صفحتي،وأنا كتبت بصراحة شديدة.. ولا بشمت في حد ولا عايزة، ولو عايزة أشمت هشمت في نفسي أني أحسن من ناس كتير وقاعدة في البيت، ربنا كارمني أن أعمالي بتتعرض على الشاشة، ولسة في حكايات كتير مع زملاء كتير هحكيها”.