بعد تعرضها للهجوم.. ربهام سعيد تدافع عن إيمي تاتو: متطلعوش عقدكم عليها

علياء مصطفى

نشرت الإعلامية ريهام سعيد منشور عبر صفحتها على موقع التواصل الإجتماعي”الفيسبوك”،قائلة ” يا عالم الرحمة ،اولا ايمي تاتو مش طالعه مذيعه على قناه الشمس دي فقره في برنامج ليه مذيعه و الفقره بتتكلم عن التجميل اللي هي اثبتت كفاءتها فيه ، ثانيا ايه كميه قله الادب دي وعلي فكره كل إلى كاتب بوست يهاجم هايموت يشتغل في الاعلام”.

وأضافت ” هي ايمي اللي اخدت الفرصه منك ؟ لا محدش بياخد رزق حد ، علي فكره في ناس علي الشاشات بفلوسها و فشله ومحدش بيتكلم جيتوا علئ الغلبانه اللي نحتت في الصخر لحد ما وصلت ، ايمي دمك خفيف و عندك كاريزما و تتحبي و هاتكسري الدنيا مش كل اللي بيطلع على الشاشه نسميه إعلامي في entertainer،بس احنا بقينا صعب اوي”.

و تابعت ” حد فكر ممكن تبقي هي نفسيتها عامله ازاي دلوقتي ، مش مهم صح  المهم تطلع عقدك على الناس و بس ،و فيديوهاتها اللي عاملة ملايين هو ده مش جمهور ، عيب بقي الفاشل يطلع عقده على الناجح لأن و الله ما هاتاخد اكتر من رزقك”.

حيث  بعد ظهور ايمي تاتو على قناة الشمس ،آثارت الجدل بمقاطع فيديو تتحدث فيها عن تفاصيل من حياتها وعملها، وأصبحت فيديوهاتها “تريند” عبر مواقع التواصل الاجتماعي.

كما أكد رئيس قناة الشمس أحمد الدغيدي أن ايمي تاتو ستظهر كضيفة إحدى الفقرات فى أحد البرامج لتتحدث عن أمور لها علاقة بالتجميل،مؤكدا  أن القناة لم تذع أي برومو لإيمي تاتو، و  إنها كتبت تنويها على صفحتها عبر السوشيال ميديا.

-: شارك هذا المحتوي مع اصدقائك علي